Diadomingo anochi a drenta informe di un accidente cu hende herida na De La Sallestraat na e rotonde banda di Tempo, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur habla spañ y bao influencia di alcohol no a regula su velocidad ni a mantene distancia a bay dal tras di un auto y manda esaki bay dal otro auto mas dilanti. Esey no ta tur e chauffeur aki a bay busca problema y reclama e otro chauffeurnan. Polis mesora a bay detene e chauffeur pero esaki a resisti su detencion y ela hasta menasa e polis maske na final polis a logra domine y a bay cun’e warda di polis. Na yegada di e ambulans nan a atende e victimanan cu tabata den e otro autonan y un tambe un baby cual tabata den e auto mas dilanti.
