Diamars mainta a drenta informe di cu tin un homber lomba sunu ta para ta wak hende fihamente den nan cara, e cos aki tabata asina preocupante cu e empleadonan di e pompstacion a bay paden e shop y a sera nan mes eyden y a yama polis. Un rato despues a drenta un otro informe di cu e homber sospechoso aki a bay na F.C.C.A. y tabata blo mishi cu un cliente para pafo pa warda F.C.C.A. habri y e haci su diligencia. Pero e cliente aki no a confia e asunto y a subi su auto y a bay. Na yegada di e patruya nan a haya e homber sospechoso aki ainda na F.C.C.A. y mesora a acerke y a detene. Ta trata aki di e adicto ambulante L. cual lo mester bay haya su acostumbrado hangua cu regularmente e sa haya.
