Diaranzon atardi a drenta informe di cu na Ting Wei Supermarket na Rooi Santo a yega un grupo di turistanan cu tabata riba UTV den un tour y ta bini cu 2 turista cu a accidenta na e costa norte pabao di Kapel di Alto Vista, mesora a dirigi tanto polis como ambulans na e sitio. Na yegada di e patruya a bin compronde cu e UTV a keda na e sitio di e sucedido mientras e victimanan a ser treci na Rooi Santo pasobra nan kier yega hospital mesora. Polis a scual e tourguide ya cu nan mester a keda na e sitio en espera di polis cu ambulans. Na yegada di e ambulans na Rooi Santo nan a atende e victima y a transporte pa hospital. En todo caso locual a sosode ta cu e turista herida a bay pasa un otro UTV y den e maniobra ey e birada y e caminda masha malo mes e UTV a bolter y 2 turista a resulta herida un di nan cu un kap basta grandi na su cabes.

• 

• 

• 

• 

• 

• 

• 

• 

• 

• 

• 

• 

• 

•