Fiesta te den oranan di mainta polis a tolera y tolera pero a stop e fiesta prome cu mainta.

Dialuna madruga na 3 ocasion polis mester a bay interveni na un fiesta na Noord y aki si a bisa ta basta cu e fiesta ta stop “porque YES”. Algun persona a prepara un fiesta pero cada biaha polis mester bay pa atende e cos ey pasobra tabata tin problema cu algun persona. Polis a bay e prome biaha atende cu nan mirando cu ta durante toque de queda y a bisa cu nan pa nan comporta si no nan lo para e fiesta. tur hende a trankiliza y polis a bandona e sitio. Despues atrobe banda di 4’or a drenta informe di un problema atrobe eynan. Polisnan a yega pero segun esnan na e fiesta e grupo problematico a bay for di e sitio. Polis a sigui cu nan patruya pero banda di 5’or atrobe yamada a drenta di problema atrobe y e biaha aki polis a bay cu e vehiculo di transporte pasobra no lo tolera mas problema. Na yegada di e patruya un grupo cu a keda ultimo tabata reclamando algun cos y esey lo a bay for di man. Polis a bisa e fiesta ta caba y tur hende bandona e sitio esnan na e cas so por a keda. Como cu e ultimo grupo mester bay te na Paradera y polis cooperativo a duna e hendenan aki un lift pa asina nan no ta bay na e sitio pa crea mas problema.

Share:

1 thought on “Fiesta te den oranan di mainta polis a tolera y tolera pero a stop e fiesta prome cu mainta.

  1. Ta ken ta organisa fiesta asina. Cu polis no por stop e fiesta. Mester ta un hende previlegia. Si ta ami polis a stop fiesta y verbaal ta cai mesora. Nan mester por ta ABOVE THE LAW.

Leave a Reply

Your email address will not be published. Required fields are marked *