Shonnan warda bo recibonan BON BON pasobra sino Serlimar ta HORTA BO BARI!

Increible locual cu Serlimar ta haciendo cu pueblo di Aruba, pesey mes mi kier alerta pueblo pa pone atencion.

Costumber

Na 1997 mi a drenta mi cas y manera costumber di añas tur hende cu drenta nan cas nobo y pone un bari pafo gobierno tabata laga pasa pa recoge e sushi sin ningun problema. Tur hende e temponan ey tabata usa bari di metal pisa, ami a tuma nota cu varios hende tabata usa un bari rondo pero di plastic y mi a haya esey un bon idea y a busca 2 di e barinan ey. Un mi tabata tin patras di cas y e otro pafor dilanti mi cas.

Serlimar a bay cu mi prome bari rondo di plastic cu mi a cumpra na 1997

Na aña 2013 e recogedornan di sushi (Serlimar) a bay cu mi bari rondo (sin mi permiso) y Serlimar a bisa cu nan a bay cun’e y cu no por usa esey mas, y cu mi mester cumpra e barinan cu nan ta bende. Serlimar a forzami cumpra nan bari cual mi a cumpra 2 di nan, pa esey mi mester a bay te na Kockstraat pa cumpra esakinan y transporta nan den mi van. Mi ta corda cla cla con “Rupi Rupi” mes a atendemi y mi a paga AFls. 187,50 pa 2 bari di Serlimar. Nunca ami como persona a registra mi mes pa recogemento di sushi pasobra nunca mi a ricibi un peticion pa tal.

Na 2021 prome biaha mi a haya un cobranza pa paga recogemento di sushi pa ana 2021.

Na fin di aña pasa (2020) pa prome biaha mi a ricibi e cobranza di recogemento di sushi di Serlimar pa aña 2021 y ami a dicidi manera e prome pago mi haya den Januari mi lo bay paga esaki. Mi yiu a bay hacimi e fabor di paga esaki pami na Serlimar Pos Chikito. Ora ela yega na e cahera esaki a bis’e cu no por acepta e pago di 2021 si añanan 2019, 2020, ta habri. Mi yiu a bis’e ta 2021 mi ta paga anto e cahera a bis’e cu e lo registra e pago pa 2019. Mi yiu a sali bay sin paga ya cu e instruccion ta pa paga 2021 y esey e cahera no kier a acepta y mi yiu a bay for di eynan.

Den menos di mey ora cu mi yiu a sali for di Serlimar un trahador di Serlimar cu Pickup cu plachi di dienst (gobierno) y e trahador a coy e bari pone den baki pick-up y a bay cun’e sin laga ni un mensahe den brievenbus (e video di camaranan di seguridad a capta tur cos).

Atardi ora mi a yega na mi cas mi a mira cu e bari a somenta. Como mi tin camara di seguridad mi a bay rewind y a bin logra haya sa ken a bay cu mi bari, mi propiedad sin mi permiso. Ora mi a draai e video mi a bin ripara lo siguiente. Ni mey ora cu mi yiu a sali for di Serlimar na Pos Chikito ya caba un trahador di Serlimar cu un pick-up di Serlimar (cu plachi number D) a presenta na mi cas y a yega coy e bari y bay cu esaki sin ni sikiera laga un nota atras cu ta nan a bay cu e bari ni pa cual motibo. Ta danki na e camaranan di seguridad mi a logra capta tur cos.

A yama Serlimar mesun atardi y nan a admiti di cu nan a bay cu esaki ya cu e bari ta di nan (segun nan)

Ora a yama nan cu nos tin e evidencia di cu un trahador di nan cu un pick-up number di Dienst a bay cu nos bari nan a admiti di cu nan a haci tal. Ora cu a bisa nan pa nan percura pa trese e bari bek e dama di fam R. cual su rumannan ta bon conosi pa polis, e dama aki a priminti di lo percura pa nan trese e bari bek e mesun atardi. Pero esaki tabata un mentira pasobra te dia di awe ainda nan no a trese nos bari bek.

A haci intento pa papia cu un otro persona superior pero a haya un secretaria.

E dia despues a contacta Serlimar atrobe y e mesun dama di fam R. cual su rumannan ta bon conosi di polis a contesta e telefon pero a bis’e bon cla cu no ta interesa pa papia cu gañado y mucho menos ladron pues pa comunica cu un superior. A logra haya e secretaria na telefon y a splica e secretaria full e situacion dunando e fecha di e compra di e barinan y tambe number nomber y tur informacionnan cu tin riba e pruebanan. E secretaria a keda di papia cu e superior y cu e secretaria lo yama bek. Esaki si mester admiti cu e secretaria a yama bek pero bisando cu nan filenan ta warda pa cinco aña y cu nan no lo por controla esakinan mas ya cu nan ta na Archivo Nacional.

Serlimar ta exigi pa ami duna nan mi prueba, mientras nan a horta mi bari sin cu nan tin prueba.

Ami si tin mi pruebanan no obstante cu nan a horta mi bari mi propiedad sin tin base y bay cun’e, awor Serlimar kier pa ami haci nan bida facil mientras nan a haci e dimi dificil? WELL TUMA AKI MI PRUEBANAN, LADRONNAN CU BOSO TA, awor nos sa cu apart di ta ladron boso ta floho y sinberguensa tambe!