Kizas a bira tempo pa ambulans tin su mesun central pasobra 911 ta fayando ultimamente!
Diahuebs anochi a drenta informe di cu un dama di edad ta sinti su mes hopi malo y a yama pidi pa ambulans y nan no a bini, ela bebe pildo banda di 9’or y a yama pidi pa ambulans pero e ambulans no a yega anto ela dicidi pa yama polis. Mesora un patruya di warda di Shaba a sali bay pa yuda e dama. Na yegada di e patruya nan a nota cu di berdad e dama ta hopi malo y polis a yama pidi pa ambulans. Na yegada di e ambulans nan a atende e dama y a hib’e pa hospital. Tin varios keho drentando ultimamente unda cu por ripara cu e servicio di central di alarma 911 ta laga di desea y e publico no ta haya e servicio cu e merece. Pesey kizas ambulans lo mester su mesun central cu hendenan servicial y bon prepara.
