Atletanan den e deporte di MMA esta Mix Martial Arts Jeandrick Croes hunto cu Gego Kelly a biaha pa La Dorada Colombia siman pasa diahuebs pa un combate. Dijendrick Croes DJ hunto cu Ryan Brete a forma parti di e coaching staff representando Team Miljard pa e dicho evento aki. Un evento cu tabata tin 16 combate unda Team Aruba a wordo honra cu e co-event y e main event. Diabierna anochi Jeandrick Croes a pisa 69.5 Kilo bringando den categoria di 70 kilo mientras Gego Kelly a pisa 66 kilo bringando den categoria di 66 kilo y pues ambos atleta a logra nan peso despues di 5 siman di fuerte preparacion. Gego Kelly sinembargo a keda poko cortico den su pelea contra Mustafaa. Jeandrick Croes di apenas 18 aña debutando den su promer pro fight tabata alaves e main bout di anochi riba e fight card. Jeandrick a enfrenta un idolo di Colombia Jorge “El Tigre” Muñoz kende tin 26 aña cu basta experencia den peleanan amateur. Desde e campanaso Jeandrick a sa di domina y controla e pelea y a bay tera cu “El Tigre” den promer rond a logra domina riba suela y cu un variacion amplio di combinacionan di mokete referee ta para e pelea y asina Jeandrick ta debuta cu un victoria mediante Technical Knockout ( TKO). Danki sigur na tur coachnan di Team Miljard, Gregory Miljard, sparingpartners, Masterdonte, Tomy Santana y tur cu a duna nan aporte durante durante e Camp pa prepara nos atletanan. Aruba a laga un bon imprecion atras y poko poko ta habri portanan grandi pa nos atletanan di cas. Na jegada diadomingo mainta familiaresnan a bay ricibi Team Miljard na airport y deportistanan di Isla Fit tambe tabata presente manteniendo tur protocol poniendo ambiente cu un caluroso bon bini. Sigui traha duro pa logra un carera briyante. Pabien.
