Diadomingo anochi durante patruya oficialnan di e brigada motoriza a nota un golf-cart coriendo riba L.G. Smith blvd, mesora nan a bay par’e. Polis a logra para nan na altura di Ritz na Oranjestad pero riba e caminda grandi bayendo pariba. A bin resulta cu ta un pareha tabata cu ne. Polis a logra haya contacto cu Divi-Links y nan a afirma cu e vehiculo a ser horta for di nan y nan no sa ken lo a bay cun’e. Polis a detene e pareha y a bay cu nan na warda di polis y a solicita un takelwagen pa hiba e golf-cart.
