Diaranzon mainta a drenta informe di un accidente cu hende herida na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un peaton a cruza di pariba bao pabao net ora cu un brommer ta bini di nort y e motociclista a purba desvia pero asina mes nan a dal den otro. E impacto aki a causa cu tanto e peaton como e motociclista a resulta herida y e brommer mes a sigui bay dal riba e pilar di un cura di cas. Polis a pidi un segundo ambulans pa e motociclista cual tambe a resulta herida cu varios rasca na curpa. Na yegada di e prome ambulans nan a atende e peaton y a transporte pa hospital cu urgencia mientras na yegada di e otro ambulans nan a atende e motociclista.
