Na Morgenster e motociclista cu a huy pa polis biaha pasa, pone polis accidenta na Sabana Basora awo su so coriendo lus paga a desvia, perde control y bay para te den mondi cu su man y pia kibra

Diasabra anochi oficialnan di e brigada motoriza cu tabata na altura di Morgenster a ser para pa un persona na un supermercado y a bisa di cu tin un accidente a sosode y tin un persona herida benta den e mondi ora polis a bay check a encontra cu e victima kende ta e persona cu biaha pasa a huy for di polis pone e polis accidenta na Sabana Basora. Wel e biaha aki nan a hay’e cu un banda di man y un banda di pia kibra benta den e mondi, nan a pidi un ambulans cu urgencia na e sitio. Investigacion haci na e sitio a indica cu e brommer tabata biniendo sin lus y un auto a sali su dilanti pone e motociclista desvia perde control y dal abao cu su brommer. Na yegada di e ambulans nan a atende e victima y a transporte pa hospital cu urgencia.

UPDATE: awe atrobe huy ela bolbe huy pa polis cu a top’e riba E.J. “Watty” Vos blvd. y ora ela paga lus coy e caminda di Cumana bay pariba polisnan mes a kere cu ela sigui straight bay e paperclip rotonde di Seroe Patrishi un otro oficial riba brommer cu tabata bini di Santa Cruz a ser para pa un persona cu a bisa cu tin un hende herida benta den mondi y cu ta un auto cu no a mira e lus di e brommer y a bira su dilanti, pero cu e velocidad cu e motociclista tabata bini ela desvia perde control drenta mondi. Por mira e video di e accidente con esaki a sosode.

Share:

Leave a Reply

Your email address will not be published. Required fields are marked *