Ademas a deteni un persona illegal tambe na e cas encuestion
Dialuna atardi tabata tin un accion estilo pelicula ora di e team di arresto a a detene e sospechoso di tiramento diadomingo anochi banda di Baranca Bar unda un persona a ser herida cu un tiro di arma di candela na su pia. For di momento cu e informe di e tiramento a drenta recherchenan di Sanicolas no a descansa y a traha mesora cu tur forsa riba e caso aki cual dialuna atardi cu ayudo di e team di arresto a detene e sospechoso. E team di Arresto a dal tras di e auto di e sospechoso fuertemente pa descontrol’e y asina acerke desorienta y logra detene facilmente. Nan a sak’e for di e auto pon’e riba vloer plat y boei e lesando su derechonan. Hunto cun’e a detene tambe un persona illegal y a confisca varios arma den e auto pero no a haya e arma di candela te ainda. Recherche di Sanicolas ta sigui traha riba e caso pa asina presenta esaki mas liher posibel den corte. Awor cu e sospechoso ta deteni lo sigui cu interogacionnan.
