Diabierna mainta a drenta informe di cu tin un auto na candela riba e Green Corridor pabao di e rotonde Pos Chikito, mesora a dirigi tanto polis como bombero na e sitio. Na yegada di e patruya nan a sera e caminda pa evita peliger pa autonan pasando riba e Green Corridor. Ta trata aki di e Mitsubishi L300 A62160 cu tabata carga cu mercancia bayendo pabao pero candela tabata sali for di bao di e auto, y a purba yega mas leu posibel pero asina mes a haya nan mes obliga ta para y baha e carga pase pa otro vehiculo. Na yegada di bombero a haya e vehiculo aki completamente bao vlamnan. Asina mes nan a drenta accion y a paga e candela.
