Diabierna atardi a drenta informe di cu un auto lo a accidenta riba e vangrailnan di e Green Corridor na Pos Chikito, mesora a dirigi un patruya na e sitio. Na caminda pa e sitio a drenta un otro informe di cu e dama chauffeur a djies baha cana bay laga e auto atras. Un unidad di recherche cu tabata den cercania a logra localisa e dama y a par’e pa atende cun’e y a pon’e regresa na e sitio di accidente. E dama chauffeur no a pone bon atencion na salida di e rotonde y a bay demasiado na man robez te cu ela dal na e blokkinan recien poni na e separacion di e vianan. Afortunadamente ningun hende a resulta herida.
