Aruba Bank hunto cu Lady Tigers ta celebra victoria
ORANJESTAD, Aruba – 15 di November 2019: Aruba Bank Lady Tigers softball team a logra bay cu e titulo maximo den e campeonato di Aruba Softball Bond 2019. Aruba Bank como sponsor orguyoso a mustra nan aprecio durante di un atardi ameno cu e ekipo completo y coachnan Sr. Miguel Tromp, Sr. Conrad Orman y Sr. Patricio Jacobs y Sr. Junior Rivero, tambe Sra. Carina Brete y Sra. Dianne Croes como bestuursleden.
Aruba Bank a organisa un get-together cu Aruba Bank Lady Tigers na Hooters Aruba pa comparti e anecdotanan di e weganan. Den un ambiente yena cu risa y alegria, Sra. Tamara Waldron, Manager Marketing & PR di Aruba Bank, a gradici e team completo na nomber di e institucion financiero, cu ta wordo patrocina pa e banco pa mas di un decada, pa nan esfuerso durante di 2019.
E victoria di e ekipo ta demostra un gran disciplina y perseverancia di tanto e coachnan y hungadonan, cu ta varia entre edadnan 17-40, ademas di e orguyo pa carga e nomber di e banco pionero di nos pais, Aruba Bank, ariba nan uniform. Masha pabien!
