Polis a bolbe dal baho mundo un golpi fuerte den Koningstraat, mas lo sigui proximamente!

—Cuerpo Policial ta informa—

Den un razzia Project Team Drugspanden a confisca droga, placa cash y a detene 11 persona.
Project Team Drugspanden ta un team cu a wordo lanta pa investiga bendedornan di droga mihor bisa na hulandes“straatverkoop”.
Awe di un razzia a detene e 6 prome personanan cu ta cumprado di droga. Conhuntamente cu ministerio publico y hues comisario a haci un entrada hudicial na un cas situa den Koningstraat Aki e team a detene den total di 5 persona:
3 hende homber di cual nan inicial ta: K.Y.N. di 21 aña naci na Colombia, C.S.N. di 58 aña naci na Colombia, L.A.S.I. di 40 aña naci na Venezuela.
2 hende muher di cual nan inicial ta: M.F.G. di 58 aña naci na Colombia y L.S.C. di 37 aña naci na Venezuela.
Durante e entrada hudicial a confisca marihuana, cocaina y un suma di casi 5000 florin. Diferente teamnan special manera: K9-unit, departamento tecnico di Cuerpo Policial y otro teamnan tambe a participa na e entrada hudicial aki.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.

Share:

Leave a Reply

Your email address will not be published. Required fields are marked *