Diasabra atardi a drenta informe di cu un UTV a bolter pariba di Bushiribana y tin un dama turista herida, mesora a dirigi tanto polis como ambulans na e sitio. Na yegada di e patruya a bin compronde cu un pareha turista tabata riba un off-road trip cu UTV y na ora di tuma un birada mucho skerpi e UTV a bolter y e dama a cay herida su mes. Na yegada di e ambulans nan a atende e dama cu tabata keha di masha hopi dolor y a transporte pa hospital.
