—Cuerpo Policial ta informa—

Cuerpo Policial ta busca testigonan, potretnan of grabacionnan pa cu e investigacion den e caso di e dama Americano cu a sosode 19 februari 2021.

Na es momentonan aki e team cu ta investigando e caso a haya un paar di imagen di e incidente na Savaneta. Pero mester mas informacion.
For di e investigacion por a saca afo cu e auto di huur di e marca Kia model Picanto numera V-4404 , dia 19 februari 2021 den oranan di anochi a core for di area di hotelnan na Palm Beach direccion San Nicolas.
E sospechoso no tin un ruta specifico cu ela core. Cu otro palabra ela core y a pasa den diferente barionan.
Durante e recorido e sospechoso a core na un manera peligroso y a ocasiona por lo menos 1 accidente. No ta descarta cu e sospechoso tabata envolvi of a ocaciona of casi a ocasiona diferente accidente.
E prome biaha cu ela topa cu coleganan di Cuerpo Policial ta den cercania di San Nicolas. Ta existi e posibilidad cu door di e manera di core di e sospechoso mas usuario por declara ariba e manera cu e sospechoso tawata comporta su mes ariba caminda of por a graba esaki of saca potret di esaki cu nan celular of camera den auto.
Tambe casnan y negoshinan lo por a graba cu nan camera e forma cu e sospechoso aki tawata core of comporta su mes ariba caminda.

Cuerpo Policial ta busca testigonan di e comportacion den trafico di e manehador (sospechoso) di e Kia Picanto V-4404 cu por a wak algo of cu a filma algo y ta pidi nan pa tuma contacto via
e-mail: DAR4@kparuba.com of jama na e number 5272930.

Tin dos investigacion andando.
Recherche ta investigando e comportacion di e sospechoso dama Mericano y Landsrecherche ta investigando e incidente di e tiramento.