![](https://www.awe24.com/wp-content/uploads/2019/11/aa4c498a-3d69-44a7-80ba-04fa611a3a91-668x334.jpg)
Diahuebs anochi a drenta informe di un accidente basta pisa y cu hende herida riba Sasakiweg yegando e rotonde banda di Superfood, mesora a dirigi tanto polis como ambulans na e sitio. Na yegada di e patruya a bin encontra cu un jovencita di 16 anja cu tabata tras di stuur biniendo for di Palm Beach bayendo Bubali cu un velocidad basta halto a perde control y a bay dal basta duro riba un baranca basta grandi. E impacto tabata fuerte y e jovencita kende tabata su so den e auto a resulta herida. Na yegada di e ambulans nan a atende y a transporte pa hospital.