Diahuebs anochi a drenta informe di un atraco na Super Clean Laundromat na San Barbola. Mesora a dirigi varios patruya na e sitio. Na yegada di e patruya a bin compronde cu aki ta trata di un atraco arma unda 3 persona color skur full na preto bisti a yega na pia y a comete e atraco. E atracadornan tabata papia papiamento y a logra di bay cu mas di mil florin y tambe un papel di 50dollar y placa larga tambe. E 3 sospechosonan aki den e atraco a agredi e chines y nan a sali na pia bay direccion pariba. Varios unidadnan di polis a buska den cercania como tambe helicopter di polis a buska pa e sospechosonan. Tanto e investigadornan technico forensyco a bini na e sitio como tambe slachtofferhulp.
