Diahuebs anochi a drenta informe di cu tin un auto lo a daña net na e rotonde dilanti airport y ta stobra trafico y ta trese esaki na peliger, mesora a dirigi un patruya na e sitio. Na yegada di e patruya a bin compronde cu aki ta trata di un Jeep cual turistanan cu apenas a yega na Aruba y a huur e Jeep esaki a bin daña cu nan net na e rotonde dilanti airport. E Jeep a dal paga memey di caminda y no kier a start polis cu ayudo di algun persona mas a pusha esaki kit’e for di riba caminda en espera di e compania di car-rental.
