• 

• 

• 

• 

• 

• 

• 

Despues di a bringa contra otro ambos adicto ambulante a bay hunto den e mesun vehiculo pa transporta detenidonan

Diabierna atardi a drenta informe di un caso di pelea cu destruccion na un restaurant na Hendrikstraat, mesora a dirigi patruyanan na e sitio. Na yegada di e patruya a bin compronde cu aki lo tabata tin un bringamento entre 2 adicto ambulante y durante e pelea a destrui e vitrina di e restaurant. Pero na e momentonan ey ya caba un di e sospechosonan a bay for di e sitio pero e otro si a keda wanta eynan pa ora polis a yega. Nan a tuma e sospechoso over y a detene a solicita e vehiculo di transporte pa bin busk’e. Mientras un otro patruya a sali busca e otro sospechoso. Un rato despues cu e vehiculo di transporte a yega y pone e sospechoso den e vehiculo e otro patruya a haya e otro sospechoso. E mesun vehiculo di transporte cu e prome sospechoso mes a bay busca e otro sospechoso y hunto ambos a ser hiba warda di polis Oranjestad.