Auto a baha caminda y a dal palo di luz na Piedra Plat

Diamars anochi a drenta informe di un accidente cu hende herida riba e caminda di Kibaima pa Tanki Flip na altura di Piedra Plat net dilanti Mega Store. Mesora a dirigi tanto polis como ambulans na e sitio. Na yegada di e patruya a bin encontra un auto Nissan A 22406 cu tabata bayendo direccion di Paradera a baha na man drechi di caminda y dal den un palo di luz di Elmar. E chauffeur a baha for di auto crusa caminda y cay parti pazuid di caminda. Polis cu a yega na e sitio a detene chauffeur pero ora cu ambulance a yega nan a bay atende e chauffeur y a transporte pa hospital. E auto a wordo transporta pa Warda di Balashi.

Share:

Leave a Reply

Your email address will not be published.