Dama a ricibi golpi di su casa na varios ocasion pero e biaha aki si e di ta basta y a denunci’e

Dialuna atardi a drenta informe di un caso unda e homber ta maltrata su casa na Paradera, mesora a dirigi un patruya na e sitio. Na yegada di e patruya nan a bin compronde for di e dama cu su casa ta maltrate na varios ocasion pero awor e ta decidido di no acepta e agressionnan aki mas y a yama polis pa denunci’e. Como cu e homber ainda tabata tey polis a detene y a pidi e vehiculo di transporte pa detenidonan pa asina nan bin busk’e y hiba e agresor warda di polis, mientras polis a conseha e dama pa bay entrega keho na recherche pa para e abusonan aki mesora.

Share:

Leave a Reply

Your email address will not be published. Required fields are marked *