Den oranan di mey anochi a drenta informe di un caso di atraco cu hende herida na Boonchi Strenastraat na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di atraco unda cu un trahador di e supermercado a yega cas cu su auto y diripiente 2 persona cara tapa a yega cerca dal e bentana banda drechi dilanti kibra y nan a dal e homber un mokete banda robez di su cara hincha su wowo djey nan a pidi’e den papiamento pa e placa y ela duna nan su cartera djey nan a core bay subi un auto blanco chikito y bay for di e sitio direccion caminda grandi. E victima tabata keha di dolor di cabez y su wowo tabata sangra. Na yegada di e ambulans nan a atende e victima y a transporte pa hospital. Nos lo sigui informa….
