Diaranzon mainta a drenta informe di un accidente cu impacto fuerte riba L.G. Smith Boulevard poco pariba di Wilhelminapark, mesora a dirigi patruya na e sitio. Na yegada di patruya na e sitio a bin constata cu aki ta trata di un accidente di cadena entre 3 auto. Aki chauffeur di un Honda Civic lo no a regula su velocidad ni a mantene distancia di un Hyundai Getz su dilanti y a bay dal tras di esaki. E impacto aki a causa cu e Hyundai Getz a dal tras di un Nissan La Festa como tambe baha caminda na man drechi y dal den cura di ex-cas di gobernador. Afortunadamente ningun persona a resulta herida den e accidente aki. Polis a sera un banda di caminda pa por a desvia trafico.
