Dialuna atardi a drenta informe di un accidente cu hende herida na e cruzada Weststraat/ Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compornde cu aki ta trata di un accidente entre un pick-up y un Nissan Note, unda e pick-up tabata bini for di Weststraat bay nort y e Nissan Note tabata bayendo direccion pariba den Prof. Lorentzstraat. Debi na e impacto 3 persona a resulta herida cual un di nan un baby tambe a resulta herida. Na yegada di e ambulans nan a atende e victimanan y mester a hiba 2 di nan hospital mientras e otronan a ser atendi na e sitio mes.
