Ora e otronan yega nan ta haci druk!
Varios red social ta core rond potret y video di locual ta situacion na e instalacion di detencion di esnan illegal den ex-Huis van Bewaring na Dakota, pero remarcabel ta cu ta nan mesun hendenan cu recien a ser deporta ta esnan cu a destrui lugar. Awor esnan cu recien a ser deteni ta bin haya e lugar tur destrui. Ta tur dia esnan di Guarda Nos Costa ta laga nan haci uso di telefon cu internet pa chat, unda por wak awo hasta video y potret pero tambe ta percura pa 3 biaha pa dia nan haya cuminda y ta laganan recrea p.e. nan por hunga carta of domino. Hasta tambe tin dia cu nan por wak pelicula. Mester remarka cu si nan dicidi haci daño na unda nan ta drumi e ora ta nan mes ta daña pa otro cu despues ta toca pa bin keda den mesun cel. Aruba semper ta purba pa nan sali y regresa nan pais mas liher posibel pero aki ta nan mesun pais no kier tumanan bek mesora y mester warda cu pasenshi pa haya permiso pa vuelo por bay door.
