Diabierna atardi despues di a traha duro for di oranan di mainta tempran e team di polis encarga cu investiga y sera tur centro di distribucion y benta di droga den area di San Nicolas, den oranan di atardi a detene 3 persona den un auto cu un gran cantidad di droga y placa. E 3 sospechosonan aki a ser detene pa violacion di e ley di posesion di droga y cantidad di placa. Polis a confisca e droga, placa y tambe e auto Ford Fiesta A76348. Nan tur a ser hiba warda di polis San Nicolas. Segun polis tin mas centro di distribucion y punto di venta den area di San Nicolas y lo bay pa nan tambe. Pa e tipo di accionnan ta necesario e contribucion di e pueblo cu ta suministra tur informacion di e centronan aki na polis via e tipline 11141.
