![](https://www.awe24.com/wp-content/uploads/2021/03/4572B5DE-C788-48B1-A7E4-6E0AB859C801-668x334.jpeg?v=1617020340)
Diadomingo atardi durante patruya banda di Bushiri Karting Speedway polis a tuma nota di cu tin aglomeracion di hopi hende na e sitio y a pidi pa manda refuerzo. Varios patruya a ser dirigi como refuerzo. Polis a papia cu e persona encarga y a hala su atencion ya cu no tin permiso ni ta permiti pa tene actividad cu hopi publico presente esaki debi na e virus cual casonan a bin ta aumentando. Despues di cu e refuerzo a yega a logra pa esnan na e caredanan di Karting bandona e sitio y esnan den e restaurant si por a keda caba di come y a splica esun encarga cu e restaurant pa tene cuenta cu e cantidad di hende na mesa parti paden.