Dialuna anochi a drenta informe di cu tin un irregularidad ta sosodiendo cu e ATM di CMB na Palm Beach, mesora a dirigi patruyanan na e sitio. Na yegada di e patruya a bin compronde cu un persona a hinca su carchi den e machine pa lanta placa pero e machine no a dun’e placa pero si a guli su carchi ademas segun e persona lo tin algo straño pega na e machine. Polis a purba tuma contacto cu esnan encarga cu e ATMnan di e banco. Un persona di seguridad a presenta y a tuma contacto cu e oficina central na Curacao pa asina purba di resolve e problema. Despues di varios intento a conseha e usuario mihor e pasa e dia despues na e mesun sucursal ey den oranan di merdia pa e haya su carchi bek.
