Diahuebs merdia a drenta informe di un caso unda 2 dama turista cu a accidenta durante tour cu UTV na noordkant a ser hiba Urgent Care Aruba pa atencion medico pero na fiinal nan no kier paga, mesora a dirigi un patruya na e sitio. Na yegada di e patruya a bin compronde cu enberdad e 2 turistanan aki a accidenta y a ser hiba door di e compania di tour na U.C.A. unda eynan nan a ser atende medicamente pa e lesionnan ricibi pero na final nan no kier paga pa e servicio. Despues di hopi pero hopi insistencia di parti polis a logra cu un di nan a paga pa su atencion mientras e otro a yega na un arreglo di pago. Mester remarca cu e compania di tour mester informa polis di cualkier accidente cu sosode durante nan tour y mas aun ora turista resulta herida avisa autoridad locual na ningun momento a sosode.
