Diadomingo anochi na momento cu polis tabata atendiendo un accidente na e cruzada banda di Do it na Shaba, ta sosode un otro accidente. Aki ta trata di un accidente unda cu e chauffeur di e Hyundai Accent yegando na e mesun cruzada unda e accidente a caba di pasa y ela subi e caminda sin a duna preferencia na e Kia Cerato cu tabata bini di nort y nan a dal den otro. Debi na e impacto aki e dama chauffeur di e Kia Cerato a resulta herida. Polis a solicita presencia di ambulans pa atende e victima. Na yegada di e ambulans nan a atende e victima na e sitio mes.
