Diamars atardi a drenta informe di un accidente cu hende herida banda di Fantastic Gardens na Bushiri, mesora a dirigi tanto polis como ambulans na e sitio. Na yegada di e patruya a bin compronde cu un dama di edad a perde control y a bay dal riba e showcase di Fantastic Gardens y a kibra esaki. Na prome instante a kere cu e dama chauffeur lo a resulta herida pero esaki no tabata e caso pero si e tabata spanta. Na yegada di e ambulans nan a atende e dama na e sitio mes.
