Diaranzon anochi a drenta informe di cu hendenan lo a tende tironan den area di Tanki Leendert, mesora a dirigi varios patruya den e area. Na yegada di e patruyanan a bin compronde cu tin varios informacion cu ta ser suministra entre nan cu un auto cu un pareha aden lo pasa y a los 4 tiro, cu 4 persona tabata core bay pabao y hasta cu un persona herida na cabez lo a core bay direccion di Retraco. Polis a sera e area pa asina cuminza cu e investigacion. Na hospital no a yega ningun hende herida. Polis ta sigui investiga e caso y a keda di busca imagennan audio visual di lo susedido for di camaranan den cercania.
