![](https://www.awe24.com/wp-content/uploads/2021/04/IMG-20210428-WA0095-668x334.jpg?v=1619664254)
Diaranzon mainta a drenta informe di un accidente cu hende herida na Palm Beach. Mesora a dirigi tanto polis como ambulans na e sitio. Na yegada di e patruya a bin compronde cu aki lo ta trata di un accidente pa falta di preferencia entre un Jeep y un Pick-Up. Aki e Jeep maneha pa un turista no a duna preferencia na e pickup bayendo nort y a crusa dilanti dje causando e accidente. Na yegada di e ambulans nan a atende cu e turistanan cu a resulta herida.