Cosecha San Nicolas cu varios actividadnan durante Aruba Art Fair

ORANJESTAD, ARUBA (21 di November, 2019) –  E aña aki Cosecha, lo habri su portanan un vez mas durante e feria anual di arte na San Nicolas. Pesey mes Cosecha San Nicolas lo habri dia 22, 23 di novemberdi 6:00PM pa 11:00PM y dia 24 di november di 5:00PM pa 10:00PM. Publico en general ta invita pa bin wak piesanan certifica di nos artistanan y artesanonan local den Cosecha su tienda.

Diabierna 22 di november lo tin dos artista conoci trahando piesanan di murano glass den tienda.  Aki ta trata di Marcha Hoost y tambe Marian Abath cu lo tey presente pa asina por mustra con nan ta traha piesanan hopi bunita cu glas. Tambe nan lo tin un prijs special riba beads y tambe armband solamente pa e anochi aki.  Estella Brown Thode tambe lo tey y asina ta demostra con pa traha su divi divi nan.

Aña pasa Cosecha a presenta un live manequin show pero e aña Cosecha lo tin un model show teatral den nan vitrina unda lo mustra diferente piesanan cu tin den tienda y na mesun momento publico por interact cu nan. Esaki lo ta diasabra di 8 pm pa 9 pm. E dia aki tambe lo tey artistanan certifica manera Ana Fit, Marva Vlaun y Sharina Gumbs pa haci demostracion.

Diadomingo  24 di november, Sharina Gumbs cu ta specialisa den pinturanan abstract y Marva Vlaun cu ta hopi conoci na San Nicolas door su bunita trabonan cu e ta haak.  

Den e workshop área lo tin un Expo di e participantenan cu a tuma les di pintura di Erika Moran y pinturanan di e muchanan di Colegio San Antonio unda nan a traha hunto den grupo pa asina comprende mas di e palabra empatia. Tambe lo tin “DIY workshop” pa bo mes traha bo  mesun joyas.

Cosecha ta warda bo bishita durante un weekend artistico, e weekend di Aruba Art Fair na San Nicolas.  Pa mas informacion por tuma contact cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por bishita e Facebook page di Cosecha: www.facebook.com/Aruba-Cosecha pa mas informacion.    

Share:

Leave a Reply

Your email address will not be published.