Diasabra madruga durante patruya polisnan atento di distrito 1 (Oranjestad) pasando den Visstraat polisnan a nota un Nissan Tiida color scur glas tinted A67961 actuando sospechoso y mesora e vehiculo aki den Ranchostraat a ranca bay pariba y a start un persecucion cu a bay Emmastraat, J.G. Emanstraat y na Van Leuwenhoekstraat altura di La Granja a paga e lusnan, dilanti di ex-La Fama a drenta Caya G.F. “Betico”Croes bay straight pariba, na e rotonde Tarabana ela drenta Dadelstraat bay zuid, drenta Caya San Juan Pablo ll, bira na man drechi drenta Druivenstraat y bay zuid den Avenida Milio Croes, dilanti Dakota Shopping Paradise a bay direccion Rode Kruis y bira man drechi drenta Pedro Gallegostraat eynan ela core drenta cura. Polis a bay atende cun’e pero ela resisti su detencion y a cuminza bringa cu polis unda polis a pas’e klop pa domin’e. Den e forsageo aki e sospechoso a result herida y a solicita presencia di ambulans pa ora e yega warda di polis Oranjestad.
