![](https://www.awe24.com/wp-content/uploads/2019/11/3d72b63c-b69b-422a-9f8d-2c4fc2130b4a-668x334.jpg)
Diahuebs atardi a drenta informe di un accidente di auto na altura di Tarabana Food Center a drenta serca Polis. A resulta cu un Jeep kier a subi e caminda principal pa bai links af direccion Santa Cruz. Na e mesun momento tabata bini un Toyota Yaris riba e caminda principal for di Santa Cruz bayendo abou. Chofer di e Jeep tabata declara cu e Toyota tabata tin su signlight pa bira y pesey e subi e caminda keriondo cu e toyota lo bira, pero e Toyota a sigi bai abou y consequentemente e Jeep a dal den banda di e Toyota. Chofer di e Toyota mes ta desmenti cu e tabata tin su signlight sendi. E impacto a causa basta sla den banda di e Toyota y a pone e bumber kita for di e Jeep. Polis di trafico presente a cuminsa compila tur datos y declaracion pa trata di saka afo ta ken ta papia berdad y ta ken lo tin e culpa.