Relaciona cu conmemoracion di e di 100 anja di fecha di nacemento di Su Santidad Juan Pablo II na Polonia aña 1920 y alabes celebracion di e di 100 aña di nos misa San Francisco, lo tuma luga e desvelo di e busto di brons na honor di San Juan Pablo II, ubica riba e plenchi dilanti di misa “Pro Catedral San Francisco”.
E escultura ta mustra Papa cargando e misa den su man, manera ela carga nos Iglesia como representante di Cristo. E parti abou di e busto ta unda e matanan di kwihi, e raisnan di nos historia ta conserva den su entraña y ta simbolisa e luga na unda nos mester proteha y conserva nos Fe.
Esaki ta un motibo pa mustra referencia na Papa Santo Juan Pablo II, kende na inicio di su pontificado a invita mundo henter cu su grito: “Habri porta pa Cristo, no tener miedo!”.
E busto ta un gran obra di e artista Arubiano Ciro Abath.
Fecha: diamars 18 di mei 2021
Orario: 6or di atardi
Lugar: plenchi dilanti di “Pro Cathedral San Francisco”
Despues di e desvelo lo tin un Santo Sacrificio di Misa pa 7’or di anochi, presidi pa nos obispo Mgr. Luis Antonio Secco.
