Diahuebs madruga a drenta informe di un turista cu ta preocupa pasobra ela perde su amiga canado biniendo bek pa nan hotel na Riu, mesora a dirigi un patruya na e sitio. Na yegada di e patruya a bin compronde cu aki ta trata di un dama turista cu a bisa cu awe den dia nan mester regresa nan pais bek y nan a bay bebe pero nan a bebe di mas na Marriott y nan a cana bay bek pa nan hotel. Na caminda ela perde esun y e no sa na unda. E tabata corda si con e tabata bisti y a duna polis e nomber di e amiga. Como cu e tabata basta bebi a bis’e bay sosega su curpa mientras polis ta bay busca su amiga. Un rato despues a drenta informe di cu tin un dama turista burachi den lobby di Holiday Inn, polis a bay eynan y a bin resulta cu ta e amiga perdi. Polis a hib’e bek pa su hotel e otro amiga a bira masha contento di cu a trese bek sano y salvo.
