Diasabra anochi a drenta informe di cu e lift na The Cove a dal pega, mesora a dirigi tanto polis como bomberonan na e sitio. Na yegada di e patruya a compronde cu 8 hende a prop den un lift traha pa maximo 4 persona y esaki a dal pega memey di e pisonan y nan a keda atrapa. Polis a pidi pa e bomberonan yega mesora ya cu e hendenan pega a cuminsa angustia y preocupa. Ademas tambe a avisa e compania cu ta atende cu e lift. E technico na su yegada mesora a habri e porta y a libera esnan pega. A bin resulta cu e 8 personanan aki no tabata tin pasenshi y a porp nan mes di tal forma cu e lift a pega y e hendenan a keda atrapa. Unabes nan a ser libera esnan pega por a sigui nan caminda.
