Polis investigando con misteriosamente di un dia pa e otro joyas a desaparece for di un cas di famia, ta sospecha un persona cu a bin haci limpieza na e cas

Diabierna mainta a drenta informe di un caso di ladronicia na un cas na Dakota, mesora a dirigi un patruya na e sitio. Na yegada di e patruya a bin compronde cu aki ta trata di un caso di ladronicia di joyas for di un cas di famia. No tin ningun prueba ainda pero tur indicacion ta mustra den direccion di un dama Colombiana cu a bini pa haci limpieza na e cas. E dama aki a ser pidi pa presenta tal dia pero a bini mas prome cu e dia indica y ya cu ela presenta e dia ey e famia a lague haci e limpieza pero e dia despues e joyasnan a desaparece. Ora a busca e dama, incomprendiblemente e dama a laga sa cu e a regresa Colombia urgente pasobra su yiu a accidenta. Pero e investigacion lo continua y lo bay saca afor si ta esaki ta e caso. Nos lo sigui informa.

Share:

Leave a Reply

Your email address will not be published. Required fields are marked *