Chauffeur a bira malo tras di stuur y a bay dal riba pilar di un cas na Savaneta pa despues fayece na e sitio

Diasabra mainta a drenta informe di un accidente unda cu un chauffeur a resulta herida y ta purbando di huy for di e sitio na Savaneta, mesora a dirigi tanto polis como ambulans na e sitio. Na yegada di e patruya a bin comppronde cu aki ta trata di e chauffeur di e auto Kia Rio A36413 a bira malo tras di stuur y a bay dal straight riba un pilar di un cas djey reverse purba sigui bay pero mirones eybanda a bay purba impedi pa e bandona e sitio pero ela dal para algun meter so y ey ela keda yno tabata tin pulso. Un persona di ambulans den su oranan liber a observa e situacion y a bay purba duna prome auxilio ya cu e victima tabata scuma y casi no tabata tin pulso pero a sigui purba sin ningun resultado mientras na yegada di ambulans a nota cu ya no por haci nada otro mas pa e victima. A solicita presencia di un dokter y pa 10:00 ‘or di mainta dokter a constata morto di Gilbertico Agustinus Croes naci na Aruba 3 di april 1965. Na su famianan ta bay nos mas sincero palabranan di condolencia.

Share:

Leave a Reply

Your email address will not be published.