Diasabra anochi a drenta informe di un accidente cu hende herida y pega den auto na Sabanilla Abao, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu aki ta trata di un accidente unda cu e chauffeur di un Mitsubishi Nativa coriendo cu velocidad halto pa un of otro motibo a desvia perde control y a bolter bay pega y keda di banda den mondi. Polis a nota cu e chauffeur ta herida y cu tabata den un posicion cual tabata rekeri di e equipo di rescate di bombero. Na yegada di e equipo di rescate mester a corta e autto mientras e personal di ambulans tabata atendiendo e victima. Na momento cu a logra libera e victima ambulans a tum’e over y a bay cun’e na hospital.
