Pa awe diadomingo 11:13pm melding a drenta via di nos Central di Polis cu hende homber lo tin su pareha secuestra den un camber na un cas na Tanki Leendert. Na yegada di e prome patruya mesora a pidi pa e team negociado di Cuerpo Policial Aruba pa asina purba convense dicho persona pa entrega su mes mesora na autoridad.
A trata di negocia pa 4 ora pero envano y a dicidi di uza e team di aresto di polis pa kibra e porta, drenta e camber y aresta e homber di inicialnan J.M.C.B, naci na Republica Dominicana di 34 aña di edad.
