![](https://www.awe24.com/wp-content/uploads/2021/06/5247C84D-6347-4AB1-B18A-6954FA044DC7-668x334.jpeg?v=1623699409)
Diadomingo atardi mientras cu polis tabata ocupa na Gasparito cu un hopmber cu tabata maltratando su pareha a drenta un otro informe di cu na Palm Beach un homber a yega y a cuminza agredi un muher, mesora a dirigi otro patruyanan na e sitio. Na yegada di e patruya nan a haya e homber bao influencia di un of otro substancia y cu tabata hopi altera pero polis a usa tactica y a papia cun’e pa e cosnan bay “netjes” sin mester usa violencia. Despues di a wak cu mas polis a yega ela realisa y a logra calma su mes pa polis detene suavemente. Polis a bay cu e homber na warda di polis mientras a avisa e dama victima cu e por bay hospital busca un reporte medico di e lesionnan ricibi y pa ora e haya esaki e presenta na warda di recherche.