Diasabra mainta a drenta informe di cu tin un homber ta core tras di un muher cu lo a bay sin paga na Lox Sing Supermarket na Paradera, mesora a dirigi patruyanan na e sitio. Na yegada di e patruya a bin comporne cu e dama lo a core bay pay pariba drenta un hanchi banda di Automaxx. Patruyanan a rondea den e area pero no a logra topa cu e muher. Ora cu polis a bay na Lox Sing nan a ser informa y a mustra polis tambe e video unda cu e muher a sali sin paga y a core bay. Ademas a relata na polis cu e muher a bay cu un gallon di azeta den container geel pa cambia azeta di motor di un auto na un cas cerca eynan y despues bin reclama cu un container cora insinuando cu ela cumpra esaki y e ta bashi. For di testigonan polis a bin logra saca afor ki auto y color y number e muher tabata y awor ta buscando esaki. Lo ta mihor e muher pasa paga su cuenta y pasa na polis prome cu nan bay piki’e!

• 

• 

• 

• 

• 

• 

• 

•