Explosion y candela den transformator huis den cura di Universidad a causa un blackout den un gran parti di Oranjestad

Tabata den oranan di prome cu 1 ‘or cu coriente a bay na un gran parti di Oranjestad, un rato despues un guardia di seguridad a yama bisa cu tabata tin un sonido di explosion basta fuerte den area di e Pro-Catedral San Francisco. A cuminsa tira bista den e area y a bin haya holor di huma ta sali for di un transformator huis den cura di e Universidad. Personal di Elmar a presenta y a purba domina e candela pero no a logra di paga esaki por completo y a solicita presencia di bombero cu a bini cu un extinguidor y a paga e candela por completo. Elmar a keda traha riba e fayo aki pa asina restaura e suministro electrico.

Share:

Leave a Reply

Your email address will not be published.