Dialuna merdia a drenta informe di un accidente cu hende herida na e crusada di Palm Beach na Noord, mesora a dirigi tanto polis como ambulans na e sitio. Na yegada di e patruya na e sito a bin constata cu aki ta trata di un accidente pa falta di preferencia unda un Jeep v-car bayendo pariba a crusa sin duna preferencia na un S.U.V. bayendo Noord. E impacto a causa cu un pasahero den e Jeep a resulta levemente herida debicu e impacto tabata na su banda. Ambulans a presenta na sitio y a atende cu e herido leve na e sitio mes.
