Diaranzon atardi a drenta informe di un accidente na e cruzada T na Shaba, mesora a dirigi un patruya na e sitio. Na yegada di e patruya a bin compronde cu aki ta trata di un accidente cu 3 vehiculo envolvi unda un minivan biniendo for di pabao a sali dilanti di un Ford Ecosport y e minivan aki a pusha e Ecosport mande na man robez bay dal riba un suv cu tabata bini di zuid y tabata para pa bira pa bay pabao. Afortunadamente ningun hende a resulta herida.